葡超：波尔图轻取沙维什

由于接连在联赛中遭遇和局，波图目前喺葡超积分榜上已经落后一哥宾菲加5分，而士砵亭等追兵亦逐渐杀到埋身。不过成肚火嘅波图喺礼拜六凌晨迎来发泄良机，而势头未如理想嘅主队查韦斯恐怕将在葡萄牙杯第四圈战场上大嗌救命。

波图年年卖球星就系人都知，但佢哋年年都慧眼识英雄嘅能力亦一直令人称道。而球队最新力作毫无疑问就系锋线双子星迪奥高祖达和安祖施华，两位新星更加已经同唔少欧洲大球会传出绯闻。不过足球场上始终系靠成绩说话，如今摆喺两位新星面前嘅首要难题就系如何共同带领波图重夺已失落多年嘅葡萄牙杯桂冠(上一次夺冠系2011年)。幸好第四圈对手查韦斯如今防线频频「走光」(过去4仗各项赛事皆有失波)，相信两位波图射手绝对唔缺乏入波机会。至于主队查韦斯，佢哋上届葡萄牙杯正正「命丧」第四圈，正所谓一命二运三风水，你都咪话唔邪。

　　虽然赢波晋级问题唔大，但波图今仗喺盘路方面却实在需要多加留心，皆因球队过去3仗各项赛事进攻火力明显较之前下滑，因此今铺投注上盘随时濑嘢(澳彩目前开出上下盘中介线为2.5)。但如果话想串返条过关组合，咁相信波图会系铁胆嘅不二之选。