荷甲：威廉二世难敌埃因霍温

荷兰波一向被波友誉为上盘嘅天下，无非因为大手笔交易满天飞。咁睇返本轮荷甲所有对阵，其中常年保组专业户威廉二世喺礼拜日凌晨主迎PSV燕豪芬嘅赛事就最有上盘味道。 

一场赛事要想顺利开出上盘，入波同失波同样需要。咁睇返本场赛事，拥有射术尚可嘅前锋佩雷路及卢克迪庄压阵嘅客军PSV燕豪芬过去12场联赛只有2场未有斩获，其中单场攻入2波或以上嘅赛事达到5场，佢哋绝对有力孭起今仗入波重责；至于失波方面，开季至今只有2场赛事保持清白之身嘅威廉二世则同样有力「交足戏」。与此同时，双方过去6次相遇有5次全场入波总数达3个或以上，而本场赛事目前喺澳彩上下盘嘅中介线为3，大家真系有买趁早。

　　其实PSV燕豪芬今仗如此值得睇好可以收获一场大胜亦与目前形势有关，喺欧冠杯提前出局只能争一个欧霸杯席位嘅情况下，前者目前重心好明显会倾斜返去联赛当中。而如今暂为联赛三哥嘅PSV燕豪芬落后一哥飞燕诺已有4分，可谓全无失分空间。至于主队威廉二世，近几年嚟最好成绩都系去到过荷甲第九，其余大部分时间更多系为升班及保组而战，战斗力去到边大家心照。