苏超：流浪「圣」利无忧

同英超一样，苏超喺圣诞假期期间同样好戏不断，其中喺礼拜四凌晨就有惹人关注嘅格拉斯哥流浪出击，带住连胜强势嘅佢哋将挥军圣庄士东，再取3分可谓指日可待。

　其实骤眼睇，主队圣庄士东并非毫无取胜之机，皆因佢哋过去4轮联赛保持不败，证明绝非任人鱼肉之辈。但如果睇深少少就会发现圣庄士东今季居然染上主弱客强嘅怪病，因为喺主客场同样战罢9轮嘅情况下，圣庄士东主场(3胜2和4负)与作客(4胜4和1负)嘅战绩形成鲜明对比，可见主场如今并非佢哋嘅福地。相反不怀好意嘅访客流浪喺过去7轮联赛中录得6胜1负之余近期更加踢出一波四连胜，如今状态如何相信大家心照。与此同时，沉寂咗一大段时间嘅流浪射手域汉近来更加突然醒神，连续2轮有波入嘅佢今铺亦注定会成为圣庄士东嘅心腹大患。

　　至于盘路方面，澳彩亚洲让球盘目前开出流浪让半球，鉴于佢哋近期都系一波交收居多，今铺去马相信都袋袋平安。而如果想话串返条过关飞嘅话，流浪亦都系铁胆嘅不二之选。