法甲：里昂主迎南特上盘格



2018年世界杯临近，欧洲各大联赛亦纷纷战至尾声，冠军谁属亦陆续揭开神秘面纱。而喺法甲赛场上，虽然一枝独秀嘅巴黎圣日门已经提前数轮称王，但欧战资格争夺却已经进入到白热化阶段。其中正力争联赛二哥位置嘅里昂喺礼拜六深夜将需要继续为3分而战，如今每一分都价值千金，区区无欲无求嘅南特显然无力成为里昂嘅拦路虎。 

睇返目前法甲积分榜，手握69分嘅里昂喺34轮过后暂列第三，落后身前嘅摩纳哥只有1分差距，想要争夺欧冠资格，喺唔寄望对手犯错嘅情况下，前者馀下4轮联赛可谓非胜不可。与此同时，里昂尚需留意身后嘅追兵，皆因同积69分嘅马赛目前仅以微弱劣势屈居第四，所以讲，里昂如今甚至连打和亦系失败。幸好呢支法甲曾经嘅霸主喺季尾表现相当争气，过去6轮联赛攞足18分嘅强势足以证明佢的嘅态度。相反今仗对手南特喺早早上岸嘅情况下就开始大打风流波，连续5轮联赛不胜嘅惨况亦表明球队如今只系纯粹应付例行公事，加上入球之匙E.色拉今仗更加要被罚坐波监，故今铺胜负悬念确实唔大。

　　至于盘路方面，势头强劲嘅里昂伴随住盘路亦都全线飘红，目前主让球半/两球嘅亚洲让球盘绝对有力食得起。同时喺连续5轮联赛有波入嘅攻击手迪比领军下，火力全开嘅里昂过去5轮联赛共入18波，上盘确实值得留意。